Daga Shu’aibu Ibrahim Gusau
Kungiyar ‘yanjarida ta kasa reshen jihar Zamfara ta kaddamar da kwamitin da’a da ladabtarwa wanda ya kunshi jiga-jigan ‘yan jarida da sauran masu ruwa da tsaki a harkar yada labarai .
Hakan yana kunshene cikin takardar bayan taro wanda ke dauke da da hannun , lawali Tsalha aka rabata ga manema labari, takardan ta bayyana cewa wadanda aka damka wa alhakin kula da korafe-korafen kwararru ne Kuma tattawa masu da’a.
Sai dai kungiyar karkashin jagorancin Shugaban ta Kwamared Ibrahim Musa Maizare ta mayar da hankali ne kan nazarin ci gaban da kungiyar ta Samu a matakin Jiha da na rassanta tare da tattaunawa kan halin da Jihar Zamfara ke ciki a halin yanzu, inda ta warware kamar haka:
Kungiyar ta shawarci ‘yan jarida da su kasance masu lura da tsaro tare da nuna kwarewa sosai a cikin rahotannin su musamman lokacin Gudanar da Zabe da kuma bayan babban zaben 2023 mai zuwa.
Kungiyar ta yi kira ga gwamnatin jihar da ta tabbatar da yin garambawul ga kamfanin buga jaridu na jihar (Legacy Newspaper) domin ganin ya dace da aiki.
Kungiyar ta nuna matukar damuwarta kan yawaitar ‘yan gudun hijira a jihar da kalubalen tsaro ke fuskanta don haka ya yi kira ga gwamnatin jihar Zamfara da ta kafa sansanonin ‘yan gudun hijira ko kuma ta tabbatar da ingantaccen tsaro musamman a yankunan karkara domin hana ci gaba da tarwatsa jama’a.
Ta Kuma nuna rashin jin dadin ta game da yadda ake ci gaba da rufe wasu makarantu saboda rashin tsaro wanda ta ce yana da matukar hadari ga ci gaban ilimi a jihar don haka akwai bukatar gwamnatin jihar ta yi masu mafita.
Kungiyar ta yabawa gwamnatin APC karkashin jagorancin gwamnatin jihar kan hana daukar makamai da sauran ‘yan daba a lokacin yakin neman zabe tare da yin kira ga sauran jam’iyyun siyasa da su yi hakan.
Kungiyar ta kuma yabawa INEC kan yadda ake ci gaba da rabon katinan zabe na dindindin sannan ta bukaci masu kada kuri’a da su ziyarci ofishin INEC mafi kusa da su domin karbar nasu tare da amfani da su wajen yin amfani da katin zabe a zaben 2023.
Kungiyar ta yabawa gwamnatin jihar kan fara biyan mafi karancin albashi na N30,000 amma ta yi kira gare ta da ta magance wasu matsalolin da suke fuskanta wajen biyan albashi tare da tabbatar da cikakken aiwatar da sabon tsarin a fadin ma’aikata.
Kungiyar ta bukaci jama’a da su sanya ido tare da bayar da hadin kai ga jami’an tsaro ta hanyar kai rahoton duk wata barazanar tsaro a yankunansu domin daukar mataki.